شوفوا الشفاعة بتعمل ايه

شوفوا الشفاعة بتعمل ايه

كان فى واحدة ست بسيطة جدا عايشة فى قرية صغيرة وكان حيلتها
جاموسة
وكانت كل يوم تتشفع بواحد من القديسين علشان يحرص الجاموسة
ولما كانت بترجع كانت بتلاقى الجاموسة مكانها
وفى يوم بعد ما خلاص خلصت كل القديسين اللى تعرفهم قالت
بشفاعت كل القديسين
فلما رجعت ما لقيتش الجاموسة
فاستغربت جدا من اللى حصل وبعدين راحت لابونا بتاع الكنيسة
وحكتله على اللى حصل معاها ابونا قلها خلاص اطلبى شفاعت واحد بس من القديسين علشان يرجعلك الجاموسة
فاقتنعت الست وطلبت شفاعت الانبا بيشوى
واستنت يوم واتنين وثلاثة والجاموسة مرجعتش
فقالت الانبا بيشوى ماتسرفش ها يتسرف مار جرجس
فقالت يا مار جرجس رجعلى الجاموسة
وبعد ربع ساعة جه مار جرجس ومعاه الجاموسة
ففرحت الست جدا وشكرت ربنا
وبعدين بالليل وهى بتصلى قالت للانبا بيشوى
كدة برضة تتاخر عليا وتخلى مار جرجس يجى اسرع منك
فظهر لها الانبا بيشوى وقالها اللى انتى ماتعرفيهوش
انى انا اللى جبت الجاموسة من البلد اللى جمبكم وانا ماشى على رجلى
وانا راجل كبير فى السن فا اتاخرت فى السكه
واما وصلت خلاص على اول بلدكم روحتى انتى طلبتى
مار جرجس فجه خادها منى بحصانه ووصلهالك فى ربع ساعة علشان
هو لسه شااااب